政改方案通過後民主派大分裂，社民連日前公開叫支持方案嘅白鴿黨自我檢討係咪配稱「泛民」，揶揄白鴿黨可以參加建制派七一巡遊，擺明要將決裂升級。另一邊廂，建制派就大開方便之門，七一巡遊搞手兼工聯會會長鄭耀棠尋日雖然唔肯回應係咪會主動邀請白鴿黨去巡遊，不過棠哥強調話，七一係開心日子，幾時都歡迎每個香港人參加巡遊，佢哋好開放，絕對唔會篩選咁話；言下之意，即係隨時歡迎白鴿黨歸邊啦！