前財爺梁錦松自上任百仕通集團大中華區主席後，同做官一樣咁忙。卓妮前日傍晚六點見阿松由歷山大廈沿遮打道一直行到和記大廈，健步如飛，行到香港會所對開燈位時，熱到頂唔順除下西裝褸，期間不時取出電話睇吓有冇短訊。卓妮上前問阿松有冇欣賞世界盃賽事，佢話好想睇，但要經常中港兩邊走，確實忙到無時間睇。講唔夠兩句，阿松就話趕住去開會，第日再傾過喎！
