MC陳師奶：「借個位發洩下！依家我廿七wk（周），一眼就睇得出大肚啦，我日日搭MTR放工，啲人望到你一係扮sleeping（睡覺），一係扮睇報紙，一係扮傾電話，總之扮睇你唔到，一於唔讓位！」
「車人女王」：「我每日都要坐港鐵由九龍塘去鰂魚涌，現在三十四w（周）都只試過兩次有人讓座的經驗……其餘時間惟有企到腳軟，依家仲慘，雙腳又腫喎，真係有苦自己知。」
fifi630﹕「我老公本來唔信無人會讓位，但同我出多幾次街就信啦，啲後生女仔、學生呀都唔會讓位（真係唔信呀），有啲中年人仲衰到同你搶位，我試過幾次行到去佢仲撞埋嚟，我自己都會讓位畀人啦，唉！」
不讓位之餘，有乘客更會與孕婦爭位。Winstep在討論區分享經歷：「有位阿哥離遠見到我，讓位畀我，大肚婆行得慢，未行到埋個位度，就有一位年輕小姐走過去坐低，同個大肚婆爭位坐，佢仲唔想起身，隔籬另一位小姐立刻起身畀我坐，佢先唔好意思咁畀番個位我。」