濫毒潮語呃晒家長老師
「你依家多數喺邊度『滑雪』？我多數同『老天』攞『香水』，喺埋佢屋企聞埋先走。」一般人難以明白，吸毒青少年口中的「滑雪」，竟是指服食冰毒、「香水」即俗稱Ｋ仔的氯胺酮！有外展社工透露，部分青少年為掩飾吸毒行為，互以濫毒潮語溝通，如一代宗師「黃飛鴻」即意指毒品「五仔」，藉此隱瞞家人及老師，連社工也要花盡心機緊貼潮流。有青少年由吸毒至戒毒，父母也懵然不知。
香港單親協會昨日主辦毒來毒往藥物濫用講座，香港遊樂場協會外展社工黃錦翔表示，時下不少青少年為隱瞞家人、老師，以毒品潮語溝通，如稱「白粉」為「美金」，暗示其售價貴，甚至連「一代宗師」黃飛鴻也慘成毒品「五仔」的代號。
黃錦翔說，「聽講係代表舉起手指『落order』個動作，似黃飛鴻個姿勢。」亦有以「香水」代表Ｋ仔，「動作好似啲媽媽噴香水喺手腕試味，佢哋就放喺手腕索Ｋ。」有時連社工也被弄得一頭霧水：「有時聽聽吓都唔知佢哋講乜，要問番佢哋先知。」
一個月花六千蚊
十九歲的戒毒青少年阿龍，曾吸毒三年，他憶述常以花光零用錢為藉口，向父母要錢買毒品：「最多一個月六千蚊，冇晒錢咪話學校要交書簿費。」他甚至曾到內地吸毒，被公安拘捕：「個公安開頭要我哋畀二萬蚊先保釋，後尾畀我哋壓價到二千蚊就走得，阿爸阿媽由我食，至到戒咗都唔知！」
他又指，坊間以為吸毒有明顯特徵，其實可輕易掩飾：「你話用嚟『顏Ｋ』（壓碎Ｋ仔）嗰張廿蚊紙可能仲有啲碎，我求其抹晒落幅牆咪得囉！或者沖晒涼先返屋企囉！」
黃錦翔建議家長多留意子女的行為，若經常口齒不清、說話欠組織、特別只留長尾指指甲、目光呆滯、腳步浮浮等，可能是曾濫毒的徵狀，應及早向社工求助。過來人阿龍亦指，若子女常困自己在房間，聽節奏快的的士高歌曲，家長亦要小心。