停車場做回收 影響衞生
馮先生不時途經將軍澳敬賢里，自半年前開始，發現上址停車場常有貨車佔用車位作回收廢物之用，嚴重影響環境衞生，「嗰度好偏僻，平時冇咩人去，但係附近就有學校同分科診所，喺嗰度回收廢物搞到啲地方污糟晒，冇理由咁都冇人理！」
西貢地政處及運輸署發言人均證實，有關停車場旁停泊有兩部貨車，懷疑從事廢物回收活動，已將個案交回警方處理。警方發言人則稱，今年一月至五月於敬賢里共向違泊車輛發出六十七張定額罰款告票。
當區區議員邱玉麟認為，政府各部門應採取聯合行動，才能徹底解決問題，「冇法例規定唔可以做回收，佢哋（違規車輛）依家咪走法律罅、專喺停車場做回收囉，如果幾個政府部門一齊掃蕩，效果一定好啲！」