政情：譚耀宗死背英文答案？

事隔一晚，譚Sir尋日喺立法會開會前又畀記者用英文提問，今次冇人幫手，但佢表現尚可，雖然冇乜抑揚頓挫，但總算對答如流，記者問咗三、四條問題，最終都滿意收貨。

民記一直以嚟都好想羅致英文流利嘅人入黨，因為黨內英文講得流利到可回答記者同上英文台節目嘅人始終非常有限。譚Sir多年前去過修讀英文短期課程，英文點會唔得？只係平日少講，尋日好可能係覺得政改重要，所以背咗啲基本答案。其實背答案都冇乜所謂嘅，只要唔好好似佢嘅黨友克勤仔咁「搓my breast」就得喇。