政情：周永健張永霖加國避暑

暑假將至，又係名人外遊嘅好時機，馬會大董周永健一家三口及前亞視主席張永霖（Linus）夫婦，都不約而同計劃到加拿大旅遊，避暑兼充電。周永健打算喺下個馬季開鑼前抽十日時間，同太太胡慕芳及愛兒Justin到北美洲旅遊，一來去探望居於美國及加拿大溫哥華嘅朋友，順便周圍去玩番吓，吸收吓大自然新鮮空氣，確係賞心樂事。
周永健（左）計劃喺下個馬季開鑼前同家人去北美洲玩十日充電。 （何偉鴻攝）
周永健（左）計劃喺下個馬季開鑼前同家人去北美洲玩十日充電。 （何偉鴻攝）

至於Linus與太太Silvia，原來喺加國有自置物業，所以每年暑假都會到加國避暑，認真識歎，唔怪得早前喺馬場見到佢哋咁容光煥發喇！同Silvia傾開，先知道Linus早前為咗亞視風波搞到好唔開心，因為Linus覺得自己作為亞視股東查懋聲嘅好朋友，但又幫唔到手，個心都唔好過，Silvia話Linus離開亞視後個人輕鬆咗，心情都好番啲。

張永霖與太太Silvia暑假到加拿大物業住番排避暑。 （溫國佳攝）
  • 張永霖與太太Silvia暑假到加拿大物業住番排避暑。 （溫國佳攝）