政改方案夠票通過有凸，特區政府都鬆咗口氣。有負責政改嘅官員尋日喺立法會發言時鬆毛鬆翼，話政府希望支持嘅議員唔好喺關鍵時刻按錯掣。最保守估計，政府穩袋四十三票，比需要嘅票數多三票，不過三票都唔好話冇閃失，如果有一、兩票到時頭暈身慶失場，有一、兩票按錯掣，個方案就付諸流水。白鴿黨主席何俊仁平時唔少大懵事迹，上次被襲後記性仲差咗，有部分手指嘅活動能力又不能完全回復，所以佢按掣時，認真要小心！