二○一二年政改方案仲未攞到通過所需嘅四十票，中央游說手握九票嘅民主黨，雙方談判，討價還價，但民主黨開價卻愈來愈高，令談判前景陰霾滿布。中聯辦宣傳文體部部長郝鐵川尋日同傳媒茶敍，直斥民主黨提出嘅「普選區議會方案」係「三無」，即無法理依據、無先例可循同無必要，簡直係畫蛇添足，語氣相當強硬。中聯辦擺明唔想再同民主黨糾纏，一口價，方案唔會讓步，民主黨要就要，唔要就罷！
