喺中環行街，卓妮幾時都會撞見熟人。好似上周三咁，卓妮就喺中環港鐵站大堂見到民主黨主席何俊仁，佢急步走埋部八達通增值機前，左㩒右㩒，平日卓妮增值三扒兩撥搞掂，仁哥就搞足兩、三分鐘，有啲雞手鴨腳。原來仁哥平日少搭港鐵，張八達通多數用嚟買嘢，時刻要增值，確保有錢。但好多人用八達通都係自動增值，仁哥咁忙碌，竟然無好好利用，睇嚟佢喺電子科技方面要自我增值吓至得！
