民主黨日前講明，如果港府考慮採用佢哋嘅區議會民選方案，佢哋會考慮接受。李漢奸呢兩日就不斷喺公開場合批評自己友，話佢哋忘記咗終極普選嘅目標，對佢哋好失望。尋日民主黨開記者會，被問及李近日嘅指摘時，副主席劉慧卿忍唔住即時搶咪，怒斥李從來冇嚟過黨大會，亦都冇參與過黨嘅討論，唔應該咁講嘢。
鐵頭仁亦都話，同李柱銘一齊喺戰場咁多年，講失望就不必嘞，又認為佢唔應該咁易對並肩作戰多年嘅黨友表示失望。佢仲不點名批評李柱銘只識站喺道德高地批評人，對佢哋呢啲做具體嘢嘅人質疑，好唔公道喎。李柱銘就重申佢唔會退黨，但會盡最大努力喺民主黨嘅黨大會游說黨友，即係會繼續唱黨喇。