輕度患者變得醒目咗
七十二歲的劉太去年中開始出現短暫記憶力問題，到街市買餸後經常忘記買了甚麼，結果重複購買同一物品，時間感及方向感均出現混亂。劉太去年底到威爾斯親王醫院求診後，確診患輕度老年癡呆症。
治療劉太的中文大學內科及藥物治療學系副教授莫仲棠指，劉太沒有老年癡呆症家族病史，只有糖尿病及高血壓。自去年六月起，她經常出現「大懵」情況，「例如問完丈夫、阿仔今晚返唔返嚟食飯，過咗幾分鐘唔記得晒，又再問過。」她亦經常對時間感到混亂，常常忘記當日是一星期中的哪一天。到街市買餸，常忘記家中尚有豉油，又再買新豉油，結果家中囤積多樽豉油。其後劉太連方向感亦出現問題，到陌生地方後往往迷路，要致電丈夫帶她回家。
逐步加大藥貼劑量
經檢查後，劉太的四肢及身體正常，磁力共振造影亦顯示腦部無異常，但在老年癡呆症簡短智能測試中，得分比正常低，故醫生診斷她患上輕度老年癡呆症，並決定處方低劑量藥貼，一個月後無任何不適，再加大藥貼劑量，至今亦無出現皮膚痕癢問題。
今年二月覆診時，劉先生亦感到妻子的病情得到改善，較治療前「醒目」，可準確回答問題。
■本報記者