政情：鬍鬚曾同議員論政鬥播帶

財政司司長曾俊華尋日去立法會匯報本港最新嘅經濟狀況，有議員追問本港低收入住戶不斷增加，但啲樓價就係咁升，跟住慨嘆話：「我覺得自己做咗幾年議員，漸漸變咗人肉錄音機，每次司長講嘅都一樣。」鬍鬚曾竟然毫不慚愧，寸番議員轉頭話：「如果議員每一次問嘅問題都係一樣，我諗個答案都係一樣。」聽佢兩個人嘅對話，就知香港政壇其實喺度兜圈，真係悲哀！