劏房無王管恐釀冧樓
近年舊樓單位改裝套房出租（俗稱劏房）情況有增無減，主責部門卻視而不見，潛藏塌樓危機不容忽視。有舊樓被發現有單位正進行劏房工程，屋宇署竟以「未能進入單位視察」、甚至內部裝修工程不涉樓宇結構為由不作處理，令鄰近居民每日擔驚受怕。議員直指近年劏房成風，要求當局修例規管，避免馬頭圍道塌樓悲劇再次重演。
新蒲崗區舊樓林立，近年不少業主紛紛將單位「一分為幾」，藉以賺取更多租金。位於錦榮街一唐樓近日便被發現有二樓單位外走廊放滿英泥、磚頭，與對出平台一百多呎僭建鐵皮屋一同大肆裝修，更不時傳出類似拆牆巨響。街坊袁先生發現單位正間成三個套房，「一睇就知係劏房！百幾呎嘅房鋪晒獨立水電，幅外牆仲拆到通天，都唔知會唔會好似馬頭圍道咁冧法！」
「拆牆成座樓震晒」
至於居於康強街的阿珍（化名）亦指所居大廈樓齡已逾四十年，毗鄰六百多呎的單位便劏成四個套房出租，「廚房變套房，又喺外牆鑿窿加氣喉，政府睇都冇睇過！」阿珍指同樓不少單位均有相同情況，屋宇署卻從未巡查。
「一拆牆就好似拆樓咁，成座樓都震晒，依家成幢大廈拆得嘅牆都拆過晒，幾時冧都唔知，同屋宇署講完都冇用！」冼先生指深水埗汝州街一幢唐樓內，不但有大量單位已改為套房，就連天台亦滿布僭建物，冼發現二樓與四樓又有改建工程，早在一月已向屋宇署投訴，惟至今仍了無下文。
黃大仙區議員李達仁指區內唐樓改裝套房已成趨勢，八成樓宇滲漏更因套房而起，加上磚牆間隔加重樓宇負擔，惟多年來屋宇署以法例難監管為由，一直未作干預，「政府一日唔修例，問題始終都解決唔到！」
議員斥卸責促規管
立法會房屋事務委員會委員黃國健斥屋宇署推卸責任，「一般市民點評估改動係咪傷及結構？出咗事政府就賴冇人手處理，真係好唔負責任！」黃促當局立法規管，要求業主須入則審批工程，保障住客安全。
香港理工大學建築及房地產學系黃君華教授指出，改動外牆容易引起滲水，如拆除後欠缺承托更會影響結構，倘單位改建成多間套房，更令排污系統負擔增加，易引起淤塞或倒流，改動前宜聘請專業人士按圖則跟進，「一般業主唔知改動係咪影響結構，多數淨係搵裝修工人拆牆再起過，工人只會靠經驗，如果拆咗承力牆，情況嚴重可能搞到冧樓！」
記者 吳琰玲