政情：李卓人寸遊行搵銀好過打工

由工聯會會長鄭耀棠牽頭嘅政制向前走大聯盟今月十九日舉行「為普選撐政改」遊行，鬧出發起團體福建社團聯會旗下屬會以每人二百蚊「津貼膳食費」利誘市民出席遊行谷人數醜聞，職工盟李卓人尋日評論事件，揶揄大聯盟搵臨記遊行撐政改，係製造就業機會，遊行三粒鐘，有二百蚊落袋，除開時薪高過勞工界爭取嘅最低工資三十三蚊，「呼籲」失業工友十九日參加撐政改遊行，搵份臨時工做吓。