環署回收家電 口惠而實不至

遷居在即的陳太擬棄置部分家電及電腦，得悉政府有回收服務，但未見任何宣傳，上網搜尋才得知環保署設有流動收集車，但最終因「太麻煩」而放棄，「有搞呢啲計劃又唔宣傳，打到去（環保署）問，原來唔係隨時嚟收，我住屯門，要等到九月至有車嚟。你話係咪搬落樓下畀收買佬仲方便！」

回收點不便上班族

記者以市民身份向環保署致電查詢，發現流動收集車只會於星期六、日停泊在固定地點提供回收服務，但每區的服務日期一年只有一至兩次。在今年三月至九月的回收時段中，黃大仙區便只有五月其中一個星期六有收集車停泊，而對上一次的收集車到訪該區已是去年十一月，足足相隔半年。至於環保署設置的公眾回收點，部分只會在星期一至五的辦公時間開放，上班一族難以使用。

環保署發言人強調會透過舉辦活動、派發或張貼海報、在公共交通工具播放製作短片、網頁等推廣回收訊息。○九至一○年度共使用一百一十萬元推廣各項回收計劃，「舊電器回收試驗計劃」、「電腦回收計劃」分別設有六個及十五個公眾回收點，亦會為參與計劃的屋苑或大廈提供預約回收服務或免費收集服務。流動收集車則會每星期停放於不同地區收集充電池、電子產品、電腦及相關配件。

電器回收並經檢查後，會透過捐贈、義賣等途徑重用，或拆件循環再造。

環保署推行電器回收計劃不善，不少市民仍直接將電器丟棄或交予回收店。

預約麻煩 市民卻步

「環保署同一啲機構雖然有流動車去收，但就要預約，有時仲要等幾個禮拜至一個月至嚟收，細嘅電器就話可以擺，太大件嘅好難咁樣等！」地球之友高級環境事務主任區詠芷批評環保署回收計劃未有予民為便，亦因宣傳不足致回收率偏低，促當局加強推廣，並擴大與屋苑合作，「宣傳好重要，同時亦要方便，例如可以就咁將電器交畀屋苑，等收集到一定數量至運走，啲人覺得方便就會響應。」

環保觸覺項目主任何嘉寶亦稱，便利是吸引市民參與環保回收的誘因，促當局鼓勵商戶參與，並盡快實行生產者責任制，「其實有啲商戶已經做緊，好似trade in（回購）手機咁，買賣雙方都有利，由商戶帶頭去做，總比政府管制好！」

冼小姐：「我唔知環保署有搞回收計劃，啲電器壞咗通常就咁扔咗佢就算。」

林先生：「專登拎去好唔方便，啱啱至有收買佬上門收咗部電視，方便得多！」

記者：莫麗珊