中環出更：蔡太買勻Hermes袋襯靚衫
手袋係女人最捨得花錢嘅地方，其中「包中之王」Hermes更係名媛淑女衣櫃內不可或缺嘅品牌。數全港珍藏最多Hermes嘅名媛，蔡志明太太蔡李惠莉絕對榜上有名。為襯靚衫，蔡太掃晒十幾款Hermes，乜色都齊，堪稱「Hermes女王」。
蔡太日前一身高貴打扮現身香港會食晏，卓妮見佢手挽深紫色鱷魚皮Hermes Birkin 35，配黑色Dior太陽眼鏡，星味十足。Hermes袋高貴優雅係人都知，蔡太發現佢仲有另一優點，就係超襟用，不知不覺愈買愈多。其實鱷魚皮Hermes絕對投資得過，一來鱷魚皮夠矜貴，二來其價值只會與日俱增，唔會跌價，與其亂買袋，不如學蔡太咁，投資喺靚手袋。
講到戴黑超，蔡太就揀Dior，喜歡佢設計舒適，鏡面係漸變色，出入室內地方，視野仍然清晰。卓妮留意到，蔡太身上件恤衫都係深紫色，襯晒個手袋，佢笑言係搵裁縫師傅訂造，剪裁貼身，幾時都唔怕撞衫。
卓妮