劉家失支柱借貸度日
【本報訊】「佢係家庭經濟支柱，冇咗佢咩希望都冇晒，一家人好似等死咁！」劉太多番哭訴，現時丈夫需靠呼吸機協助呼吸，「肌肉都萎縮晒，執番條命都再開唔到工」。劉太泛着淚坦言，丈夫未出事前每到月底都是「一餐炒飯，一餐公仔麵」過日子，現更需向銀行借錢支付丈夫的醫藥費，目前只靠女兒每月五千元的月薪「連租都唔夠交」。因丈夫與兄弟聯名「有幅太公地」而被拒申領綜援，劉太斥指「政府咩都幫唔到」，現只好見步行步。東方日報慈善基金了解情況後，已撥出二萬元緊急援助金，協助劉家暫解燃眉之急。
「十幾廿年來都冇飲過一餐」
「十幾廿年來都冇飲過一餐」劉太細說，一家三口本租住偏遠地區的村屋，為方便女兒上班，七個月前才以六千三百多元租住一大廈單位，以丈夫萬多元月薪只勉強支持，但每到月底便會「唔夠錢買餸」。劉太無奈指，女兒早前覓得工作「叫老竇唔好成日開夜，自己可幫補家計，點知唔夠兩個月老竇就搞成咁」。
家庭經濟拮据，劉太卻苦不能申領綜援解困。她指，丈夫與兄弟聯名持有「太公地」，礙於經濟問題又未能建屋，「依家只係爛地一塊，但因為有呢幅地就唔可以申領綜援」，醫務社工亦只冷血地着女兒申領單人公屋，「唔通叫個女丟父母落鹹水海！」。劉太慘道，因擔心丈夫病情，服用安眠藥亦無助入睡，最壞打算是「蝕兩個月按金都要搵平地方搬」，自己做兼職卻又擔心沒有人照顧丈夫，形容「唔知點算，條條都係死路！」。
（捐款編號：11938）