公屋甩磚蔓延維修勁慢
公共屋邨牆磚剝落事件有蔓延之勢！繼本報揭發葵涌葵芳邨及秀茂坪寶達邨重現「甩磚」事件後，黃大仙、荃灣及觀塘區亦有屋邨相繼出現牆磚鬆脫情況，但房屋署早年專責處理牆磚剝落的小組已解散多時，甩磚事件僅交由地方保養辦事處跟進，維修效率緩慢。立法會議員認為甩磚事件持續出現，反映並非個別事件，促當局展開緊急維修並檢討事件成因，以徹底解決問題。
牆磚剝落黑點為走廊及電梯大堂等公用地方，慈正邨正泰樓居民陳女士（化名）月前更目擊走廊甩磚，「啲磚突然谷起，冇幾耐就成幅跌落嚟，好彩冇人行過啫！」陳指事隔大半個月仍未見房署維修，「啲街坊問過，管理處話其他座都有甩磚，等埋一齊至整喎，都唔知要等幾耐？」
無獨有偶，梨木樹邨楓樹樓亦有甩磚情況，居民蘇先生不滿管理公司處理欠善，「星期五甩，佢哋淨係搵人將啲磚掃埋一邊，星期一至清，啲灰就吹到周圍都係！」秀茂坪邨居民阿偉（化名）則指秀康樓牆磚剝落後，房署只張貼「待修」告示，久未見維修工程開展。
記者在慈正邨了解情況時，發現最少有四幢大廈有牆磚剝落情況，除正泰樓外，正明樓、正怡樓及正康樓亦在甩磚之列；梨木樹邨桃樹樓及秀茂坪邨秀樂樓亦出現不同程度的牆磚剝落，部分更未有張貼待修通告。
對於全港公屋牆磚剝落情況，房署發言人拒絕透露具體數字，只解釋甩磚問題或與天氣潮濕及溫差有關。該署於○五年曾成立專責小組跟進問題，但小組已於○七年年中解散，現時有關牆磚剝落問題已交由地方保養辦事處跟進處理；有關上述各邨的牆磚剝落問題，現正陸續安排維修。
手工差 轉天氣即剝落
「牆磚剝落有潛在危險，點可以拖，一甩就要即刻維修！」立法會議員王國興認為，為免發生意外，當局首要任務應為緊急維修，然後便須檢討事件及追究責任，「究竟係邊個工序出錯？係咪當年起樓出咗問題？定係承辦商做得唔好？絕對唔可以整完就算！」
香港專業教育學院（青衣）建造工程學系署理首席講師黃漢平指出，牆磚整幅剝落主要跟手工及冷縮熱脹有關，「英泥沙漿太少、瓦仔同英泥沙漿喺牆身會黏得唔夠實，加上冷縮熱脹，都有機會令瓦仔唔夠位膨脹谷起，日子耐咗就容易甩磚。」黃指倘牆磚「甩完再甩」，維修時或須整幅牆磚「剷走」後重新鋪設，以徹底解決問題。
記者 莫麗珊