政情：高達語言暴力轟炸陳家強

議會暴力文化愈演愈烈，有時唔一定掟蕉先至叫粗野。立法會尋日討論城中兩間瑜伽中心倒閉，引發銀行代客人預繳消費模式嘅監管問題，議員李永達不滿財經事務及庫務局局長陳家強問非所答，一輪機關槍狂掃，鬧陳家強無做功課。本來議員為市民出氣無問題，但喺議事堂咁莊重嘅場所，竟然鬧陳家強傻吓傻吓，就係人身攻擊，呢種語言暴力，同掟蕉一樣咁粗野，分別只係用手定用口。