政情：龔氏兄妹齊撐黃英豪

華懋集團已故主席龔如心持股逾八成的Chime Corporation Limited，去年購入一億股香港資源股權，如心廣場係華懋旗下物業，龔仁心尋日同因心及中心捧場。問龔仁心會唔會用華懋慈善基金增持香港資源股權，龔仁心客氣話，如果黃生畀機會的話，一定會，但要睇適當時間和機會。

黃英豪亦好識做，大讚華懋係好股東，又多謝龔仁心尋日親身支持，更難得係華懋將呢個咁好位置嘅舖位畀金至尊珠寶。佢笑言，如果日後華懋旗下商場有好位置，又可以有優惠少少嘅價錢的話，會再考慮再喺華懋物業開檔。

香港資源尋日亦宣布金至尊珠寶冠名贊助《葉問前傳》，又委任該電影男女主角為旗下品牌代言人。香港資源執行董事徐傳順話同《葉問前傳》出品人冼國林好熟，傾緊喺幾部戲加插金至尊元素，收宣傳之效。