殘疾欠支援政府疑搵笨
【本報訊】政府為殘疾人士提供的服務再被轟不足，多個團體關注當局去年一月宣布設立的十六間殘疾人士支援服務中心，大部分至今因「搵唔到地」而未運作，項目進展緩慢。有殘疾人士組織批評，「政府乜服務都有，但係乜都唔夠，配套又唔足，簡直係搵家長同照顧者笨。」
中心啟用遙遙無期
立法會殘疾人士及長者住宿及社區照顧服務事宜小組委員會，昨討論殘疾人士的社會照顧服務。殘疾人士成人服務關注組成員左成玉哭訴，家長看着殘疾子女機能倒退，對社區上卻沒有服務協助感無奈，「當局的地區支援中心，唔知何年何月才可投入服務﹖」直言家長為照顧子女「病都唔敢病，仲點講生活質素。」路向四肢傷殘人士協會主席李遠大亦質疑，十六間支援中心，目前實得兩間啟用，期望當局於每區預留土地興建有關中心。
立法會議員李卓人亦指摘，「政府做嘅嘢係畀人睇，唔係畀人用，根本冇解決問題。」又指殘疾人士面對支援不足、輪候服務時間過長等問題已「講過N年」，是當局缺乏福利規劃所致。
社署總社會工作主任彭潔玲表示，有五間中心已覓得會址進行裝修，本年度內可提供服務，餘下的中心亦已預留土地。另外，近廿名香港失明人互聯會成員，昨趁會議舉行前高呼「打倒黑箱作業」口號，要求當局增加傷殘津貼金額。