國學大師王國維說：「無高尚偉大之人格，而有高尚偉大之文章者，殆未之有也。」這話有道理，一張不懂篩選資料、把「垃圾新聞」好似發現黑洞咁去大肆報道的，最終因惡意誹謗罪成的《明報》，如此冇品冇格，竟高叫「公信第一」，如果這樣也叫「公信第一」，即係話你認知有問題。乜問題啊？死蠢！即係你認為消防員唔係救火嘅，係趁火打劫嘅囉！
老朽真係唔明，想當年查良鏞大俠弘揚正義，鐵筆無私，才有《明報》的江湖地位，如今何以淪落至此？搞到抹黑正義，黑白不分，被高院重罰，向東方報業集團賠償合共一百八十萬元，當中包括加重性額外賠償。
坦白講，賠錢事小，錢銀畢竟是身外物，可是名聲重要啊！人冇人格，報冇報格，可以休矣！一手撫育《明報》大的查大俠，眼見佢壞，未知有何感懷？
老朽真係百思不得其解，唔通抹黑人家，自己就可以美白？難道踐踏同行的義行義舉，自己的公信力就可以提高？天下間有這樣的邏輯嗎？中國近代教育家陶行知說：「千教萬教，教人求真；千學萬學，學做真人。」今《明報》反其道而行之，正邪不分，令人齒冷；「香港拉登」的言行舉止已一錯再錯，自詡為「知識分子報」的《明報》卻為虎作倀，連一點常識也沒有，又豈能有「知識」？
歷史是一面鏡子，一張報紙的生與死，必有其軌迹可尋。昔日查大俠的《明報》光輝已死，今日《明報》卻是一份道歉多多、澄清頻頻的報紙，且還捏造事實，如○八京奧閉幕碧咸表演「加插」情節。這是捏造第一啊！