政情：Rita劉搶先解畫死撐政改騷

港府「起錨」，高官落區唔單止唔敢答傳媒提問，仲畀市民問到口啞啞，都唔知點解會失敗到呢個地步。商務及經濟發展局局長劉吳惠蘭（Rita）尋日喺一個活動上，反而大大方方，話落區宣傳嘅目的係引起市民興趣，又可以直接同市民溝通，拉近彼此之間嘅距離。之唔係咁簡單囉。不過可能Rita誤會咗，高官落區其實係做騷而唔係溝通，因為咁至解釋到前日發生咗嘅事。