政情：金刀梁夫婦雙喜臨門

輪流獲頒院士

金刀梁獲頒院士，醫管局主席胡定旭、中大醫學院院長霍泰輝等醫學界猛人齊到賀，去咗北京公幹嘅肥胡亦專程返港恭喜佢連今次在內，金刀梁一共多達十八個榮譽院士銜頭。但梁醫生為人謙虛，笑言唔知點解獲此殊榮，評審委員會主席李國棟醫生就讚梁醫生推動基層醫療多年，實至名歸。

查實身為前瑪麗醫院放射科主管嘅梁太，月頭亦獲美國醫學界表揚，全球至今只有一百九十人獲此殊榮。梁太投身放射診斷學三十五年，當年行醫時，僅九十磅身軀天天負八磅重鉛喺胸前防輻射，韌力驚人，梁太已退休，仍熱心醫學教育。

今年七月，金刀梁將會攞第十九個院士，呢次係英國皇家醫學院頒發內科榮譽院士畀佢。金刀梁醫人又做公務，的確實至名歸。