餐館後巷做廚房 食署懶執法
食肆佔用後巷擺放雜物情況屢見不鮮，牛池灣街市附近竟有茶餐廳索性將廚房搬出後巷。陳小姐曾就後巷廚房一事多次向食物環境衞生署投訴，但情況未有改善，「嗰度有幾間茶餐廳，有啲喺後巷洗碗，但最離譜都係將成個廚房搬出去後巷炒餸，食環署有乜理由唔理？」陳不滿食環署對後巷設置廚房的嚴重違規行為視而不見，認為有助長違法之嫌。
當區區議員何賢輝亦直言上址為衞生黑點，環境衞生惡劣，「四年前嗰度曾經做過一次維修，好過一排，但冇幾耐又變差，成日有唔自律嘅食肆霸佔後巷！」何促食環署嚴厲執法，杜絕違規食肆再次以身試法，還居民一個潔淨環境。
食環署發言人稱，過去一年曾向上址違規食肆負責人提出三十三宗檢控。接獲本報轉介後，已檢控擺放雜物阻街及在後巷洗滌的食肆負責人，覆查時再無發現食肆佔用後巷。