舊樓滲水部門鬥卸責
政府部門處理滲水問題歎慢板，大廈居民飽受困擾。尖沙咀金馬倫道有唐樓地下通道天花滲水多時，住戶陳先生擔心居民隨時跣倒受傷，更恐散播細菌，「同滲水辦投訴咗都冇改善！地下成日一攤二攤水，污糟又難行，唔知點算好？」
食物環境衞生署發言人承認，滲水辦於五月初接獲上址滲水投訴，調查後發現上址大廈一單位外牆污水渠破損漏水，惟因污水渠損壞屬屋宇署工作範疇，現已轉介該署跟進。
油尖旺區議員孔昭華指屋宇署及食環署只管釐清工作範疇，處理滲水問題態度官僚，常令簡單問題無端複雜化，「食環署淨係做清潔、測試，屋宇署就唔肯跟進衞生問題！其實滲水涉及結構安全同保養，點都應該跟足啲！」