政情：李剛籲互相退讓另覓新天

中聯辦副主任李剛近日馬不停蹄，代表中央同泛民黨派進行歷史性晤談，講得最多嘅其中一句說話，就係「求大同，存大異」。李剛尋日會見普選聯，被記者問到依家形勢似乎只有大異，未見大同喎，民主黨講明若五點政改要求不獲回應，就會企硬否決政改方案，李剛無反擊民主黨，反而氣定神閒咁話，如果大異達唔成共識，大家咪退一步囉，另有一番天地，海闊天空！