父淚憶愛兒本是乖乖仔
【記者莫麗珊報道】「阿鋒本性好好，如果冇人刺激佢，我唔信佢會無端端跳落去。」凌鋒父親指兒子是父母眼中的「乖乖仔」，亦是與弟弟一起成長的好哥哥，慨嘆「佢仲話讀完中四想報讀旅遊，想去上海世博行吓、睇吓，點知依家冇機會……」東方日報慈善基金了解黃家的經濟狀況後，已即時從「無力殮葬專戶」撥款二萬元，協助黃家辦理殮葬事宜。
弟盼完成兄心願
黃父一家三口至今仍未能接受鋒仔自殺的事實，他昨日雙眼通紅的細談阿鋒生前的一切，指身為長子的阿鋒喜吸取新知識，自小好學，「佢拎過『悅讀』冠軍，成日都攞獎。」
阿鋒父母分別任職清潔工及餅店技工，一家生活僅足餬口，每至月尾「戶口都只係得番百幾蚊」。他們對兩名兒子關懷備至，「一放工就會打電話問佢哋想食咩餸。依家得番一個仔，我會更加錫佢。」
一直與哥哥感情要好的俊仔亦哭了一個晚上，「以前有咩字唔識都係問哥哥，以後都冇得問，我好掛住佢，如果哥哥仲有心願未完成，我一定會幫佢！」 （捐款編號：11932）