政府收地鬼祟蒙蔽業主

為改善吐露港水質及村內環境衞生，政府需徵收部分大埔汀角村內私人土地以興建污水收集系統。工程雖獲區議會及村代表支持，但政府的收地手法卻引起不少受影響業權人不滿。以曾先生為例，竟至收地限期前才獲悉名下土地將被徵收，「政府一直冇通知我，地政總署喺限期前先喺度貼通告。幅地我一直用嚟泊車，依家都唔知點算。」

「唔喺《東方》登點睇到」

曾指獲悉收地事件後即時致電查詢，獲覆渠務署早於○七年已在村公所張貼通告，事後亦曾刊憲及在兩份報章刊登公告，因諮詢期早屆滿，收地已成定局。另外，地政總署發出的文件亦表明，法例規定，若收地後一年內不提出賠償要求，則過後不得再向政府追討。

「我唔反對做工程，但對收地範圍有意見。我問過地政職員，佢話政府已經跟足法例做，點都冇得傾。要登報又唔喺《東方》登，你叫我點睇到先？」最令曾先生不滿者，乃政府部門從未以其他較直接方式通知受影響業主，曾指鄰居亦於近日才知悉事件，「呢度好多業主移咗民，佢哋肯定唔知，到時過埋時限，分分鐘連賠償都冇。」

負責收地的地政總署發言人表示，渠務署早在○七年已於村內貼通告，環境保護署亦在○八年為工程刊憲，事後亦收到五位人士反對，環保署修訂計劃後再沒收到反對意見，並於今年三月刊憲收地，受影響土地將於今年六月五日被徵收。發言人續稱，所有受影響的註冊業權人都可申請賠償，是項工程範圍包括汀角村及山寮路一帶，共有一百三十七個私人地段及一百九十名業權人受影響，估計賠償金額為二千一百萬元。

土地突遭徵收，令曾先生一時間不知所措。

工程影響範圍包括汀角村及山寮路一帶，約二百人受影響。

手法欠人情味不和諧

「其實政府實有晒業權人資料，事前點解唔發信通知？只喺村公所貼通告、登報紙同刊憲？就算真係搵唔到，搵當區民政處幫手聯絡實冇走雞啦！」立法會民政事務委員會委員陳克勤指，政府施政理應「法、理、情」兼備，事件中政府依足法例，但手法明顯欠人情味，「政府成日話要和諧社會，但做事手法認真唔和諧，簡直係倒米！」

■記者 許紹基