中環耳目：超雲Cova High Tea都要等位

賭王何鴻燊千金何超雲經常喺中環出沒，尋日下晝卓妮又見超雲相約兩名同學喺中環歷山大廈嘅Cova飲下午茶。兩個星期前，卓妮先至目擊超雲同男友Andy買蛋糕返去孝敬賭王，原來呢間係佢嘅至愛食肆，令小妮子最愛不釋手嘅係Cova嘅雪糕同蛋糕！
超雲（右）與同學敍舊後離開，有個同學仲叫卓妮影相留念。 （陳嘉順攝）
超雲（右）與同學敍舊後離開，有個同學仲叫卓妮影相留念。 （陳嘉順攝）

咪睇超雲身材弗爆，佢對有百年歷史嘅意大利高級食肆Cova一啲都冇反抗能力。尋日四點十五分，卓妮見佢隻身來到，點知座位爆滿，何家千金一樣要等位。等位期間，年紀同超雲相若嘅一男一女嚟到同佢會合，廿分鐘後佢哋終於有位，三人有講有笑，坐咗約四十五分鐘後離開。

同澳洲讀書時嘅中學同學敍舊，超雲都揀至愛嘅Cova餐廳，至愛Cova雪糕同蛋糕。
  • 同澳洲讀書時嘅中學同學敍舊，超雲都揀至愛嘅Cova餐廳，至愛Cova雪糕同蛋糕。

卓妮上前同超雲打招呼，原來兩位朋友係佢喺澳洲讀中學時嘅同學，其中男同學仲攞個手機叫卓妮幫手影相留念添！超雲心情極靚，話男友要開工唔得閒陪佢，佢自己同中學同學敍舊。問佢點解冇好似上次咁外賣蛋糕畀爸爸食，佢話朝早已經喺酒樓外賣點心畀爸爸，所以唔買蛋糕嘞！

超雲好鍾意Cova，極力推介佢哋嘅雪糕同埋蛋糕。佢哋嘅王牌海綿蛋糕一向備受歡迎，難怪超雲都叫卓妮一定要試吓。

卓妮