政制及內地事務局局長林瑞麟瞓身推銷政改方案，成日同民主派駁火，繼《城市論壇》上為「公公」外號反寸公文袋余若薇，尋日立法會政改小組委員會上，有議員批評政改方案建議八百人選委會四大界別各增一百個委員，卻未列明具體產生辦法，情況好似奸商推銷服務套票，收晒錢後隨時貨不對辦。林D9不甘示弱，駁斥指唔接受呢個比喻，重申有關改動應留待本地立法階段研究。林D9鬥嘴反應咁快，唔通真係熟能生巧？