林D9林瑞麟近期推銷政改經常同議員過招，竟由「人肉錄音機」升呢為「智能錄音機」，民主黨何俊仁尋日喺立法會要求林D9重申功能組別係達致普選嘅過渡安排，本身係中學老師嘅黨友張文光加把嘴，要求林D9將政府九九年向聯合國提交嘅報告提到「功能組別只是過渡安排」嗰段朗讀一次，點知林D9反唇相譏：「我知道張文光係老師……我讀書時都係好學生！」佢仲反客為主叫張文光跟佢讀一次○七年特首向人大提交嘅《政制發展綠皮書》，反應好快！