中環耳目：黃帆風必食Grappa's凍薄餅
博愛醫院新一屆董事局主席黃帆風投入社會服務，落得區多自然發掘到好多中西美食。卓妮早前喺博愛就職典禮見到黃帆風夫婦，講起食嘢，原來兩人都喜歡意大利菜，仲一致推介太古廣場間意大利餐廳Grappa's Ristorante，激讚佢哋嘅凍薄餅「Pizza Todi」卜卜脆，好好味，係必食之選。
黃帆風話，中西菜都啱佢同太太嘅口味，但對意大利菜情有獨鍾，特別鍾意係Grappa's嘅「Pizza Todi」薄餅，特色係餅底薄脆，上面鋪滿新鮮嘅雜錦蔬菜沙律同薩拉米香腸等配料，食落勁好味。
Grappa's一向擅長炮製意大利家庭式美食，該店堅持選用天然材料，麵包更加係日日新鮮烘製，難怪食客咁長情，廿年嚟都不離不棄啦！