中環出更（二）：盧文端即興買「上海灘」唐裝
即興買衫，唔係女人先鍾意嘅！全國政協委員盧文端都鍾意話買就買，前日出席酒會前，
到宴會會場附近有間名店「上海灘」，二話不說掃咗一件黑色唐裝，盛惠三千銀！
香港福建希望工程基金會前日喺洲際酒店舉行新一屆董事會就職禮，身為福建幫頭領嘅盧文端都嚟撐場，但盧生早到咗，望望錶，晚宴仲有大半粒鐘先開席，不如趁呢個空檔行吓街。
一向鍾情西裝嘅盧文端，突然走入「上海灘」揀唐裝，細問之下，原來係受咗立法會議員黃宜弘影響。盧生笑騎騎話，早前喺酒會見對方着上國產中山裝，瀟灑又有型，心思思想買番件。最後，扑錘買咗一件中西合璧嘅黑色外褸，件衫領口位採用中山裝元素，但下身就加多兩個拉鏈袋，洗脫傳統唐裝老成持重感覺。Shopping完畢，盧生手執一袋戰利品入場，時間啱啱好！
卓妮