【記者朱先儒、李嘉怡報道】「世上冇一個女仔及得上我太太，即使佢已經唔喺度，我都唔會再娶第二個，來生要同佢再做夫妻！」喪妻之痛是一道永遠無法愈合的傷痕，司徒汝強昨談起妻子昔日種種，流露無限深情。容綺文的喪禮將於下月廿一日在萬國殯儀館舉行，翌日早上進行基督教悼念儀式後，遺體便送往火化。
十八年前，緣分令他倆走在一起。憶起相識情景，司徒汝強不禁會心微笑：「當時大家都喺牛頭角一個教會做義工，有好多共同話題，冇幾耐就拍拖。」綺文是家中長女，預科時因讀書壓力患上抑鬱，這些不為人知的事，綺文都如實相告，他亦無嫌棄。拍拖不久，綺文病情加劇，一度入住青山醫院兩星期，他堅持每天探望，風雨不改，令綺文深受感動，拍拖兩年決定下嫁。
司徒汝強原在玩具廠當技術員，但經常往返內地工作，留下綺文一人，令她不時鬧情緒，故婚後不久，他決定辭職，全天候陪伴綺文和分擔家務。二人雖未有子女，但感情要好。他黯然說：「佢跳樓嗰日，一啲先兆都冇，仲叫我四點半揸車接佢放學。」
屯門的家，放滿二人合照。「綺文最鍾意迪士尼，我哋一年會去幾次迪士尼樂園，次次佢都玩得好開心。」家裏所有東西都是綺文所愛，他不會丟棄，甚至連她自殺當日穿的血衣都留下。但他要為綺文穿紅衣自殺澄清：「佢每晚都會襯好第二日返工着嘅衫先瞓覺，佢嗰日着紅衣，並唔係特登咁做，只係貪靚啫！」