中環出更（二）：趙式芝親自代言A.D.M.J.手袋
卓能主席趙世曾囡囡趙式芝（Gigi）出身名門，母親係當年嘅靚女明星姚煒，佢嘅品味自然係與生俱來。早前卓妮喺馬場見到笑容燦爛嘅Gigi，佢身穿The Swank白色麻紗外套，手挽自己代理嘅日本A.D.M.J.手袋，一身春意盎然，化身為最佳代言人！
Gigi早前投資咗百萬元取得A.D.M.J.代理權，仲搵隻愛犬做代言「人」。不過Gigi嘅人氣勁過隻狗，由佢上陣做生招牌，效果梗好啲！
當日佢揹住個玲瓏別致、售價五千八百八十元嘅銀色手袋，上邊有A.D.M.J.嘅招牌設計「LOVE」字樣，清瘦嘅Gigi揹起上來更加顯出青春率性嘅一面，再襯埋純白色嘅連身裙同外套，令佢散發春天氣息。
藤原紀香蔡依林熱捧
A.D.M.J.係由日本設計師小林明彥創立，袋上嘅珠片同刺繡就由日本技師一針一線手工縫製，係百分百日本手工打造，甚受亞洲名媛歡迎，日本明星藤原紀香、台灣身價最高女歌手蔡依林等，都係呢個品牌嘅擁躉。
卓妮