全國政協委員劉夢熊前日出席港台節目《城市論壇》時，力撐政改方案，下場當然係畀一眾「騎劫」節目嘅「維園阿哥」又噓又罵，直頭係一開口就被台下叫囂聲掩蓋。其實建制派議員已揚言杯葛《城市論壇》，不過劉夢熊自言見過大場面，區區幾個阿哥絕對唔會嚇窒佢，以後照舊逢請必到，以平衡社會各方聲音。見到劉夢熊一款兵來將擋、水來土掩嘅氣勢，唔知發生緊咩事嘅市民可能以為維園出現恐怖襲擊呀！