投訴：馬路渠蓋失修駕車高危
馬路渠蓋損毀失修，分分鐘釀成意外！九龍灣偉業街美羅中心二期對出馬路有一渠蓋損毀，並於渠內「半天吊」，駕駛人士李先生擔心司機稍不留神，易令車輪「攝」進渠內，影響行車安全，「見過有人搵舊磚頂番個蓋上嚟，但啲大貨車一行過就壓番落去，投訴咗幾個月都冇人理。」
當區區議員陳華裕批評當局巡查欠嚴謹，要求盡快維修，保障行車安全，「佢哋有派承辦商定期巡查設施，估計今次可能巡查得唔夠仔細，所以一直冇發現。」
渠務署發言人表示，上述渠蓋實為集水溝格柵，由於位處行車道，須由路政署負責保養及維修。該署將個案轉介予路政署跟進，現已完成維修工程。