政情：范太做傳信人不計成敗

政改方案出爐，泛民主派一片惡評。早前為溫和民主派做傳信人、帶話上北京嘅全國人大常委范徐麗泰，尋日被問及點睇自己嘅傳信人工作到底成功定失敗，范太回應話，自己嘅角色只負責傳信，性質簡單，難言成功定失敗；又話明白政府提出嘅政改方案，同泛民嘅理想方案有距離，但凡事難盡如人意，希望泛民同中央政府繼續溝通，佢亦樂意繼續做傳信人。既然范太唔開估，即係叫大家繼續估；成功同失敗，等如買大細。