政情：廿蚊張重出江湖再戰最低工資

「廿蚊張」自由黨張宇人因為廿蚊論要向外界道歉後，已沉寂一段時間，但據聞佢下周二會重出江湖。電台引述餐飲聯業協會會長黃家和話，飲食界已喺復活節期間完成最低工資水平調查，結果係高過廿蚊少少，數據已交予廿蚊張，留待下周二臨時最低工資委員會與政府及飲食業界舉行嘅三方會談後正式公布，屆時廿蚊張就會現身喇！

上月底《城市論壇》上演清潔女工劉玉珍狠批廿蚊張之後就無咗份工。劉玉珍喺電台上話，論壇後老闆再無搵佢開工，仲喺電話單打話：「你咁叻，去做明星囉，唔使返嚟洗碗喇！」

廿蚊張話既然飲食業界完成調查最低工資數據，無理由自己公布咗先至提交畀臨時最低工資委員會，所以佢會率先將報告交畀委員會，並喺下周二委員會開會後一併公布。廿蚊張仲話，佢唔會評論別人嘅批評，而劉玉珍被炒更加唔關佢事，事關佢唔知邊個係劉嘅老闆！