「判百分百找晒數仲好啦」
「輸嗰個畀錢，畀多啲對（華懋）慈善基金有咩唔好？」華懋慈善基金掌舵人龔仁心對昨日法庭就訟費的裁決感到滿意，認為合乎公平原則，但他笑說：「當然判陳振聰百分百找晒數仲好啦，咁基金可以有多啲錢做善事。」他並預計，由於陳振聰已上訴，華懋要兩年後才能收到錢。他更透露，基金正積極籌備捐助青海大地震災民，但受制於遺產管理人監管，撥款手續及程序需時，未能像其他機構般可第一時間作出反應。
盼第一時間青海救災
龔仁心昨接受本報訪問時說：「原本大家安安樂樂過日子，咁樣係咪幾好？但係有人要挑起官司。」他指陳振聰拿出所謂○六遺囑爭產，才引發如此冗長龐大訴訟，令華懋花很多錢打官司，亦要支付遺產管理人費。「如果冇呢件事，基金一早可以運作，根據龔如心的遺願行善，而且可有更大自由度。」
他說，青海發生大地震後，基金即計劃捐款賑災，並希望第一時間付諸行動，但因仍受管理人監管，在捐款額等問題上需知會管理人。
他說：「之前智利同海地大地震，我哋都有捐款，外國有難我哋都樂於幫忙，何況中國人自己有事，基金更加義不容辭。」
雖然法官已下令由陳振聰支付華懋大部分堂費，但因陳已提出上訴，若上訴失敗亦有可能上訴至終審法院，故龔仁心預期華懋起碼要多等兩年才收到錢，期間亦不能大刀闊斧展開慈善活動。他慨嘆道：「邊個畀錢都好，最後都係益咗律師同會計師。」
■本報記者