事主斥星展卸膊「好失望」

【本報訊】「胡亂歸咎張卡啲磁帶有問題，又卸膊，咁樣嘅處理手法，我終於明白點解雷曼苦主咁閉翳！」陳雲生坦言當初選用該提款卡銀行服務時，都是因為貪該間銀行「唔使排隊」，但揚言對該銀行今次處理「扣錯錢」問題的手法失望，更埋怨銀行職員在當初游說他出新卡時，未有向他解釋會碰上國際網絡的收費，而在處理今次扣錯錢投訴時，更只顧極力「卸膊」。

遭職員反質問

陳雲生表示，當他首次向今次扣錯錢的提款卡發卡銀行職員查詢為何會扣手續費時，職員只是咄咄相逼，質問他有否注意到畫面上的提示而按下「同意鍵」，「我出卡前從來都冇聽過國際網絡手續費呢樣嘢，今次又趕住要提款，我根本就冇得揀！點解好似我㩒咗『是』就等同要我接受現實咁？」

他又批評當初職員游說他轉用「八達通提款卡」時，只不斷向他介紹「一卡兩用」的新功能及好處，絲毫未有觸及到有關國際網絡手續費或任何附帶風險，他預計不少市民都可能在不知情下「中招」。他慨嘆：「依家有提款卡嘅人都好少打簿，用埋繳費靈同分期付款等服務嘅人就更加唔會發覺，你點估到喺本地自己嘅儲蓄戶口提款，都要畀手續費呀！」