政情：廿蚊張唔識死照上《城市論壇》

自由黨廿蚊張早前喺《城市論壇》發表廿蚊論，畀人插到體無完膚，甚至畀人用廿蚊紙掟。不過最大收穫嘅係，廿蚊張間接令班「維園阿哥」愛上喺《城市論壇》上單挑一眾建制派立法會議員，搞到好多議員話唔上《城市論壇》。喺建制派醞釀緊杯葛《城市論壇》之際，受害者廿蚊張竟然「勇」字當頭，揚言唔會因為咁熬底唔上去，仲話自己喺尖沙咀搞飲食業搞咗咁多年，乜嘢大場面都見過喎！工業界議員林大輝更大呻冇人邀請佢上論壇，睇嚟「維園阿哥」仲未嚇窒所有建制派噃！