政情：施榮忻再搞博鰲青年論壇

Jamie卸任前最開心係睇到菁英會成功申辦年底舉行嘅第二屆「博鰲青年論壇」，其次係菁英會多咗位生力軍，就係中華總商會榮譽會長霍震寰公子霍啟文。

霍啟文加入菁英會

雲集世界級元首及領袖嘅博鰲亞洲論壇，一向係富豪二代練武之地，今年就多咗霍啟文呢位新成員。霍震寰係博鰲亞洲論壇嘅「開荒牛」，今次首度帶囝囝參加咁重要嘅會議，莫非係部署交棒？Jamie就透露，啟文今年內會加入菁英會，呢趟遠赴「博鰲」係支持菁英會就真。除咗啟文外，菁英會副主席霍啟剛同細佬啟山都有出席博鰲論壇，呢三位霍家第三代都有出席國家副主席習近平與港澳與會代表嘅會面。

菁英會今次總共派出九人參加博鰲論壇，除咗Jamie同啟剛外，仲有莊士集團太子爺莊家彬、太子女莊家蕙、燕之家老闆白富鴻等。啟剛同Jamie更代表香港參加博鰲論壇「青年領袖圓桌會議」並作發言，Jamie建議港深攜手申辦低碳亞運會，阻塞互聯網監管漏洞。