中環出更：李惠莉花七位數買Falconer首飾

早排卓妮喺一個保良局嘅晚宴上撞到玩具大王蔡志明太太李惠莉，見佢戴住套綠寶石鑽石首飾，閃爆全場，頸鏈連耳環成套要成七位數字，原來都係來自尖沙咀半島酒店嘅Falconer首飾店。呢間首飾店喺半島開業多年，蔡太幫襯咗佢哋有三、四年，年前大女加敏出嫁，蔡太都喺度幫愛女辦嫁妝。
李惠莉戴住售價達七位數字嘅綠寶石鑽石首飾出席保良局晚宴，閃爆全場。 （葉華英攝）
李惠莉戴住售價達七位數字嘅綠寶石鑽石首飾出席保良局晚宴，閃爆全場。 （葉華英攝）

蔡太打扮一向自成一格，絕對唔會盲目追趕潮流買貴嘢，好似買首飾咁，蔡太每次嚟到只係會考慮首飾啱唔啱自己，只要戴得好睇，平貴都會買。蔡太買嘢亦唔怕麻煩，會尊重番個設計，紅寶、綠寶、白鑽、彩鑽、珍珠……統統都啱，睇啱就扑錘，唔會講價，絕對係一個好客！

Falconer喺半島開業多年，蔡太都幫襯咗三、四年。 （楊歡成攝）
  • Falconer喺半島開業多年，蔡太都幫襯咗三、四年。 （楊歡成攝）

講番Falconer，佢哋經營咗逾三十年，銷售各類型名貴鑽石、寶石同珍珠，配合埋精湛嘅鑲嵌技術，件件都美輪美奐。佢哋仲請咗美國寶石學院畢業嘅寶石學研究員駐店，幫客戶提供意見，再加上佢哋有寄貨服務，連遊客都照顧到，難怪蔡太對Falconer咁長情啦！

卓妮