政情：田少唔願同李大壯合作

最近李大壯獲政府委任為港台經濟文化合作協進會副主席，負責促進港台兩地旅遊及貿易，有人問及協進會同田少作為主席嘅旅發局會唔會有機會合作，田少不以為然，話旅發局自己有做旅遊推廣，「『嗰個會』邊個做主席，有咩關係呢？呢啲純粹都係政府安排同決定！」由頭到尾都冇提過李大壯個名，兩個機構亦完全無任何關係。

田少做咗三年旅發局主席，一洗旅發局大花筒風氣，旅客數字有增無減，佢認為「只要做得好，就應繼續做」，所以有傳言話佢係放棄參加立法會補選以換取旅發局主席連任時，田少就真係「聽咗得啖笑！」佢講笑話，政府咁想政改通過，應該掉番轉叫佢參加補選，等佢贏咗幫政府攞多票至啱喎。