政改方案敲定方案出籠，變咗冇改方案，被泛民鬧到飛起，擔大旗主推方案嘅政務司司長「唐唐」唐英年，尋日喺記者會被連番追問一旦政改方案再遭否決，會否影響佢呢個疑似下屆特首候選人嘅選情？唐唐初時無正面回應，話記者屈佢，後來避無可避就答咗一句，話唔可以用一次政改成敗，去衡量佢嘅仕途，仲暗示政改工程係整個特區管治班子嘅工作，即係即使政改觸礁，大家都唔好入晒佢一個人嘅數。政改成敗仍屬未知之數，難為唐唐咁快就想卸膊！