政情：譚耀宗余若薇世博唱對台

上海世博五月一日開幕，中聯辦尋日正式去信立法會主席，指上海市政府歡迎全體立法會議員前往上海參觀世博，訪問時間定喺五月八日至十日，咁啱就喺五區補選前一個周末起程，令嗰幾個辭完又選嘅原立法會議員無機會同行。「五區公投」聯委會召集人余若薇尋日話，中聯辦揀呢個日子，擺明係繼續打壓「公投」，搞到無人喺香港拉票。民建聯主席譚耀宗就話呢件事無政治意味，仲話愈近世博開幕去愈好，如果遲多個星期可能乜官都見唔到喎！