Fans當女神：o靚模行埋一邊！
六、七十年代，風華絕代的狄娜迷倒萬千少男，很多人只知狄娜是艷星，其實她的歌喉也很好，收錄她歌聲的黑膠碟成為稀有之物。珍藏狄娜電影原聲黑膠碟的二手唱片店老闆歐先生，昨禁不住神傷：「我係狄娜Fans，聽到佢病逝，真係好惋惜同傷心！當年十六、七歲嘅油脂飛，有邊個唔鍾意狄娜？依家嗰啲o靚模，真係要行埋一邊！」
原聲黑膠碟 鎮店之寶
五十二歲洋名Paul的歐先生，在深水埗鴨寮街經營二手唱片店卅多年，收藏品中有六張狄娜主演電影的原聲黑膠碟，他視為鎮店之寶，包括《七擒七縱七色狼》、《滿肚密圈》等，收錄了狄娜獨唱以及和譚炳文、李香琴的合唱歌曲。十六、七歲已迷上狄娜的歐坦言，被狄娜美貌和惹火身材迷倒，「狄娜一出道就拍除衫戲，當年係第一人，好大膽，係性感尤物，我當正佢係女神！」他透露，一直都有上年紀男士尋找狄娜的唱碟，但若非真心喜歡狄娜，或買家不合眼緣，他絕不割愛。隨着狄娜過身，他預料唱碟會升值一兩倍。
本報記者